Bi dirûşmeya "Na Ji Darvekirinê re", girtiyên li beşa 2‘yemîn a Girtîgeha Qizilhesar çalakiya birçîbûne dabûn destpêkirin.
6 girtiyên ku piştî greva birçîbûnê ya hefteyekê bo hucreya yekkesî hatibûn veguhestin, dîsa vegerandin hucreyên wan.
Li gorî daxuyaniya kampanyayê, tenê hefteya borî li Îranê 59 kesên di nav de 2 jin û zarokek jî heye, hatine darvekirin.
Girtiyan jî da xuyakirin ku Rejîma Îranê ji tirsa serhildan û şoreşan re, hewl dide ku bi zordestiya hovane qîrîn û serhildanên gel bêdeng bike.
520 kesayetên siyasî û parêzvanên mafên mirovan: Darvekirinan rawestînin
Ji aliyeke din ve jî zêdetirî 520 kesayetên siyasî û parêzvanên mafên mirov bi daxuyaniyek hevbeş bang li rejîma Îranê kirin, da ku cezayên darvekirinê yên li Îran û Rojhilatê Kurdistanê bidawî bikin.
