Malpera Axiosê ragihand ku di serdema rêjîma Baasê de, li Sûriyê cihên madeyên nuklerî hebûn.
Piştî guhertina desthilatdariya Sûriyê, Amerîka û Îsraîl ji bo rakirina van madeyan ketin tevgerê.
Malpera Axiosê ragihandin ku Amerîka, Îsraîl û Hikûmeta Veguhêz a Sûriyê li ser vê mijarê gihaştine lihevkirineke veşartî.
Ev lihevkirin pêk hat ji bo rakirina madeyên nukleerî yên depokirî li xaleke veşartî li Sûriyê.
Ev gav bi armanca rêgirtina li ber şerekî di navbera Îsraîl û Sûriyê de, dibe ku bi Tirkiyê re be jî, tê avêtin.
Li gorî wê, dê di demeke nêz de, Ajansa Enerjiya Atomî ya Naveneteweyî madeyên nukleerî ji xala bi navê "Xala 99" rake.
Ev xal, xaleke ku bernameya nukleerî ya veşartî lê ye û ji hêla rêjîma Beşar Esed ve hatiye pêşxistin.
"Xala 99" ya madeyên nukleerî li Dêra Zorê ye
Ew li bajarokê Giberê yê li parêzgeha Dêra Zorê ye.
Îsraîlê ew xal bi êrîşeke hewayî ya di sala 2007'an de talan kir.
Berpirsyareke Amerîkî da zanîn ku ew xal ji bermahî û madeyên ji tesîsê mayî pêk tê.
Madeyên heyî ji bo çêkirina çekên nukleerî nayên bikaranîn, ew ji bo çêkirina bombeyan tên bikaranîn.
Bi vê bombeyê teqîneke nukleerî nayê pêkanîn.
Berpirsyarên Îsraîlê diyar kir ku artêşa welatê wan piştî hilweşîna Esed destpêka derbasbûna xalê bombebaran kirin.
Berpirsyarekî Amerîkî jî da zanîn ku tevî metirsiyên Îsraîlê jî, ew ê careke din êrîşî xalê nekiriba.
Di dawiyê de, ev alî gihîştin çareseriyekê ku li şûna êrîşeke leşkerî, ji bo rakirina madeyan erêkirinê ji Sûriyê bigirin.
Axiosê diyar kir ku berpirsyarên Sûriyê nizanîbûn madeyên nukleerî li xalê hene.
Berpirsyarekî Amerîkî jî da zanîn ku hejmarek gelekî kêm ji kesên li Amerîka, Îsraîl û Sûriyê dizanîbûn ew made li wê xalê hene.
