Îro li gundê Telîd ê sînorê bajarokê Daqûq ê li parêzgeha Kerkûkê, bombeyeke çandî bi otomobîleke supaya Îraqê de teqiya û di encamê de 3 kes birîndar bûn.
Ji 3 birîndaran 2 kes efserên Lîwaya 44’an a Firqeya11’an a Fermandariya Operasyonên Hevbeş a Îraqê ya li parêzgeha Kerkûkê ne.
Supaya Îraqê ji bo tomarkirina ziyanên operasyonên berê ketibûn gund.
Ev yek di demekê de ye ku hêzên ewlehiyê yên Îraqê duh ragihand, wan 8 veşartgehên DAIŞ’ê li Kerkûkê wêran kirine.
© 2026 – NÛÇE TV Hemû maf parastî ne. Nûçe Rastî ye