Di daxuyaniyê de hat diyarkirin ku heyetê di 2'ê Tebaxa 2026'an de hevdîtineke ku 3 saetan berdewam kiriye bi Abdullah Ocalan re pêk aniye û peyamên wî yên girîng bi raya giştî re parve kirine.
Rêya ji hezar kîlometreyî bi gavekê destpê dike
Heyetê di daxuyaniya xwe de diyar kir ku Abdullah Ocalan li ser pêvajoya heyî, xebatên tên meşandin û berpirsyariyên dîrokî yên pêşerojê nirxandinên girîng kirine û peyamên mîna "mifteya çareseriyê" şandine.
Pêvajoya demokratîkbûnê û giringiya dîrokî
Abdullah Ocalan di peyama xwe de bal kişand ser giringiya pêngava niha û destnîşan kir ku ev pêvajo xwedî giringiyeke dîrokî ye, bi qasî avabûna Komarê girîng e.
Bi gotina "Rêya ji hezar kîlometreyî bi gavekê destpê dike", bang li gel kir ku ji bo Komara Demokratîk bi heman cidiyetê kar bikin.
Çareserî ji bo hemû gelan û 86 milyon mirov
Peyama Abdullah Ocalan destnîşan kir ku pêvajoya çareseriyê ne tenê ji bo Kurdan, lê ji bo her kesê li ser vê xakê jiyan dike pêwîstiyek bingehîn e.
Her wiha abdullah Ocalan tekez kir ku gava bê avêtin, dê hiqûqa demokratîk pêş bixe û derfetên aboriyê ji bo 86 milyon mirovî zêde bike.
Banga berpirsyariyê
Abdullah Ocalan bal kişand ser girîngiya qanûna ku siyasetê derdixe pêş û got ku ev qanûn mifteya çareseriyê ye û deriyê Komara Demokratîk vedike.
Daxuyanî bi daxuyaniyeke nivîskî ya Heyeta Îmraliyê ya DEM Partiyê di 3’ê Tebaxa 2026’an de ji raya giştî re hat ragihandin.
