Navenda Ragihandinê ya Hêzên Sûriya Demokratîk QSD’ê bi daxuyaniyekê ragihand ku biryar hatibû standin ku îro 29`ê Kanûnê fermandarê Giştî yê QSD’ê Mazlûm Ebdî û şandeya dan û standinan a Bakur û Rojhilatê Sûriyê sardana Şamê bikin. Lê ji ber sedemên teknîkî serdan hat taloqkirin.
QSD’ê ragihand ku ji ber hazirtiyên lojîstî û teknîkî yên girêdayî serdanê, serdan hat taloqkirin û got, dê demên pêş de lihevkirineke bi aliyên têkildar re li ser diyarkirina dema hevdîtinê çêbibe.
Ragihandina QSD’ê da zanîn ku taloqkirin tu guhertinê di rêgeha lihevkirinê û armancên wê yên pêşkêşkirî yên der barê peymana 10’ê Adarê de çênake.
