Gelo Sûriye dê li dijî Hizbullahê şer bike?

Amerîka û Îsraîl dixwazin bandora Îranê û komên çekdar ên girêdayî wê li Rojhilata Navîn tune bikin.

Her wiha dixwazin komên çekdar ên weke Hizbulaha Libnanî, Hizbullaha Îraqî û Hûsiyên Yemenê ku girêdayî Îranê ne, bêbandor bikin.

Amerîka û Îsraîl van koman wekî gef dibînin.

Amerîka û Îsraîl hemû hewldanên xwe dikin, da ku armanca xwe pêk bînin.

Hat angaştkirin (îdeakirin) ku di destpêka sala 2026'an de Amerîka ji Fermandarê Giştî yê Hêzên Sûriya Demokratîk (QSD) Mazlûm Ebdî daxwazek kir.

Pêşinyara Amerîkayê ew e ku QSD şerê komên çekdar ên girêdayî Îranê yên li Îraq û Libnanê bike.

Fermandarê QSD'ê Mazlûm Ebdî ev yek red kir û got ku hêzên wî tenê parastina gelê herêmên Rêveberiya Xweser dikin û ji bo berjewendiyên Amerîkayê şer nakin.

Dîsa heman angaşt (îdea) ji serokê Hikûmeta Veguhêz a Sûriyê Ehmed Şera hat kirin.

Hat gotin ku piştî bersiva Ebdî, Amerîka pêşniyara xwe pêşkêşî serokê Hikûmeta Veguhêz a Sûriyê Ehmed Şera kir.

Ehmed Şera ji bo wergirtina piştgiriya Amerîka û Îsraîlê, ev pêşinyar erê kir.

Piştî vê, Amerîka rê da Ehmed Şera ku êrîşî Herêmên Rêveberiya Xweser bike.

Turmp: Em dikarin bihêlin Ehmed Şera şerê Hizbullahê bike

 Şevê din, serokê Amerîkayê Donald Turmp, der barê êrîşên Îsraîlê yên li ser Libnanê de daxuyaniyek da.

 Donald Turmp di şerê li dijî Hizbullahê de piştgiriya Îsraîlê kir û ev lê zêde kir:

 "Ez pir dixwazim Netanyahu êrîşên rast li dijî Hizbullahê bike."

 Her wiha Turmp di daxuyaniya xwe de ev tiştê balkêş got:

 "Em dikarin di vê yekê de alîkariya wan bikin, yan jî em dikarin bihêlin ku Şera vê yekê bike.

 Sûriye pir dixwaze vê yekê bike."

 Di mehên dawî de, Amerîkayê di çarçoveya piştgiriya xwe de gelek cezayên li ser Sûriyê, di nav de "Qanûna Qeyserê" rakirin.

 Îran: Ê ku tev li şer bibe dê bibe Armanca me

 Beriya niha, rayedarên Îranê li ser tevlêbûna welatekî din yan hêzeke din ji bo şerê bi Amerîka û Îsraîlê re, hişyarî dabû.

 Îranê eşkere kir ku şerê wê tenê li dijî Amerîka û Îsraîlê ye û eger hêzeke din tev li wan bibe, wê bibe armanca wan.

 Hiqûqa Navneteweyî ya Giştî û Peymana NY, destwerdana leşkerî ya ji derve qedexe dikin û dewletan neçar dikin ku bêalî bimînin.

 Heta niha jî, ti bersiv ji aliyê Hikûmeta Veguhêz a Sûriyê ve li ser vê yekê nehatiye dayîn.

 Wiha xuya dike û serokê Hikûmeta Veguhêz ev gotinên Donald Turmp bi erêkirina wî hatine dayîn.

 Hin şîrovekarên siyasî dibêjin ku gengazî heye di rojên pêş de Îsraîl û Sûriye bi hev re şerê Hizbullahê bikin.