Serokê Hikûmeta Herêma Başûrê Kurdistanê Mesrûr Barzanî festîvala Tirî û Hingiv vekir.
Di vê festîvalê de ku wê 2 rojan berdewam bike, nêzî 50 cotkarên Kurdistanê, berhemên xwe pêşkêş dikin.
Birêvebirê Çandiniyê yê Dihokê Ehmed Cemîl destnîşan kir ku îsal wan 60 ton tirî û 127 ton hingiv bi dest xist.
Ehmed Cemîl diyar kir ku kêmbûna berbiçav a berhema hingiv îsal ji ber ziwabûnê ye û ji 300 tonan daketiye 127 tonan.
Di festîvalê de, ne tenê tirî û hingiv têne dîtin, lê belê hemû berhemên din ên xwemalî û berhemên ajaldariyê jî cih digirin.
