Hat ragihandin ku Rûsyayê bi balafirên bê mirov êrîşî her du herêmên Dnipropetrovsk û Zaporizhzhia yên Ukraynayê kirin. Her wiha di encama êrîşan de, eletrîka her du herêman bi tevahî qut bû.
Hat zanîn ku pileya germahiyê daketiye bin sifsê û bi hezaran kes bê elektrîk mane.
Ji aliyê xwe ve, serokwezîr Yulia Sverdenko bi daxuyaniyekê li ser Telegramê got ku wê berf bibare û pileya germahiyê jî bi şev jî dadikeve -20 Celsius, bi vî awayî wê rewş zehmetir bibe, ji ber ku pirsgirêkên di torên elektrîk û germkirinê wê zêdertir bibin.
Yulia Sverdenko diyar kir ku sîstemên enerjiyê yên Ukraynayê her roj di bin êrîşa Rûsyayê de ne, karmendên sektora enerjiyê di bin şert û mercên pir dijwar de dixebitin da ku ronahî û germkirinê peyda bikin.
Rûsya ji destpêka şerê xwe yê giştî di Sibata 2022`an de hema hema rojane bi mûşek û balafirên bêmirov êrîşî Ukraynayê dike.
