Li Tirkiyê nîqaşên li ser Qanûna Çarçoveyî didomin.
Serokomarê Tirkiyê RecebTayyip Erdogan û Serokê Meclîsa Mezin a Tirkiyê Numan Kurtulmuş derbarê qanûna çarçoveyî de daxuyanî dan.
RecebTayyip Erdogan behsa Pêvajoya Aştî û Civaka Demokratîk kir û diyar kir ku ew ê nehêle pêvajo têk biçe û wiha anî ziman:
"Me her gav helwesta xwe ya samîmî û avaker bi hevkarê xwe yê Tifaqa Gel re nîşan daye ku em çareseriyek dixwazin.
Em ê di rojên pêş de jî vê helwesta avaker bidomînin.
Em bawer dikin ku ew ê bi pêşkêşkirina pêşnûmeqanûnê bo Parlamentoyê lezê bi dest bixe.
Divê em vê pirsgirêkê bi beşdariya hemû aliyan çareser bikin.
Em ê ji kesên ku dixwazin pêvajoyê têk bibin re derfetek nedin û em ê wê bigihînin cihê wê."
Numan Kurtulmuş: Hêvîdarim ku pêşnûmeqanûn hefteya bê were meclisa mezin
Her wiha Serokê Meclîsa Mezin a Tirkiyê Numan Kurtulmuş, derbarê qanûna çarçoveyî ya ku tê payîn di çarçoveya pêvajoya çareserkirina pirsgirêka Kurd de pêşkêşî Parlamentoyê were kirin, daxuyaniyek da.
Numan Kurtulmuş wiha axivî:
"Hêvîdarim ku pêşnûmeqanûn hefteya bê wekî pêşniyareke hevbeş a partiyan were Meclisa Mezin a Milet.
Bi piraniya dengên parlamenterên me, piştî nîqaşan ew ê bibe qanûn û em ê gaveke din a girîng bavêjin."
Serokê Meclîsa Mezin a Tirkiyê Numan Kurtulmuş di dawiyê de jî diyar kir ku li Tirkiyê serdemeke nû dest pê kiriye.
