Di çarçoveya lêpirsîna rêxistina tawan bar a ku bi girtina lîderê Silêmanciyan Alîhan Kurîş dest pê kiribû de, Serdozgeriya Komarê ya Enqereyê pêla çaremîn a operasyonê pêk anî. Di serdegirtinên malan ên ku berbanga sibê hatin kirin de, ji bo 29 gumanbaran biryara binçavkirinê hat derxistin. Hate ragihandin ku ev lêpirsîn rasterast li dijî pêkhatibûna darayî û fînansal a rêxistinê tê meşandin.
Pereyên qaçax û transferên bêqeyd
Di nav delîlên ku di çarçoveya lêpirsînê de hatine bidestxistin de, îdîayên balkêş hene. Li gorî van îdîayan, di şandina alîkariyên bo derveyî welat de neqdî pere hatine veşartin û bi rêya şîrketên lojîstîkê veguhestina dravî ya bêqeyd (qeydnebûyî) hatiye kirin. Piştî lêgerîna li navnîşanên gumanbaran, biryar hat girtin ku ji bo 23 şîrketên ku tê nirxandin têkiliya wan bi rêxistinê re heye qeyûm were tayînkirin.
Berê çi qewimîbû?
Operasyona yekemîn a li dijî Silêmancciyên ku di bin lîderiya Alîhan Kurîş de ne, di 13’ê Tebaxê de hatibû kirin û di wê operasyonê de Alîhan Kurîş jî di nav de 32 kes hatibûn girtin. Di pêlên duyemîn û sêyemîn ên di 21 û 25’ê Tebaxê de jî 35 kesên din hatin girtin û dest danîn ser 50 şîrketên rêxistinê.
Ji bilî tawanbariyên rêxistina tawan bar a organîze, derbarê mirina lîderê berê yê Silêmanciyan Arîf Ahmet Denîzolgun a di sala 2016’an de jî guman hene. Li ser îdîayên ku Denîzolgun ji aliyê rêxistinê ve bi zanebûn hatiye kuştin, gora wî hatibû vekirin û nimûne jê hatibûn girtin.
