Wezareta Derve ya Dewletên Yekbûyî yên Amerîkayê (DYA) daxuyaniyeke nû ya ewlehiyê weşand û hişyariyên xwe yên ji bo welatiyên xwe yên li welatên Rojhilata Navîn nû kirin. Di daxuyaniyê de hat diyarkirin ku ji ber rewşa nebaş a ewlehiyê û egera geşedanên lezgîn, divê welatiyên Amerîkayê bêtir baldar bin.
Li gora daxuyaniyê, fikarên mezin li ser astengiyên gengaz ên di geştên hewayî de û her wiha metirsiyên li ser berjewendî û saziyên Amerîkayê yên li herêmê hene. Wezaretê daxwaz ji hemû welatiyên xwe kir ku plansaziyên xwe yên geştê ji nû ve binirxînin, xwe ji cihên qerebalîx dûr bixin û geşedanên dawî bi rêya medyayê bi baldarî bişopînin.
Ev hişyarî di demekê de tê ku aloziyên siyasî û serbazî yên li seranserê herêmê di asteke bilind de berdewam dikin.
