Li Rojhilata Navîn tevgerên leşkerî û dîplomatîk lez girtine. Piştî helwesta tund û daxuyaniyên dawî yên Îranê ku wekî herşekirin hatin nirxandin, Washington û Tel Avîv ketin rewşa amadebaşiyê.
Serokê Amerîkayê Donald Trump ji bo birêvebirina vê krîzê geşta xwe ya bêhnvedanê qut kir da ku li Qesra Spî civînên ewlehiyê yên awarte li dar bixe. Ji aliyê din ve, Serokwezîrê Îsraîlê Benjamin Netanyahu ku ji bo civîna Neteweyên Yekbûyî li DYA'yê bû, biryar da ku bernameya xwe biguherîne û tenê piştî axaftina xwe rasterast vegere Îsraîlê. Ji ber van geşedanên xeternak, Wezareta Derve ya DYA'yê ji bo welatiyên xwe yên li herêmê hişyariyên ewlehiyê yên nû û tund weşandin.
