Li gorî agahiyên ku Reutersê ji çavkaniyên dîplomatîk wergirtiye, DYA hişyarî da xebatkarên xwe ku heta êvara Çarşemê ji Baregeha Hewayî ya El Udeid a Qeterê derkevin.
Li gorî nûçeyê, dîplomatan gotiye ku ev ne valakirineke fermî ye, tenê "guhertineke rewşî" ye. Reutersê nivîsand ku balyozxaneya DYA'yê û Wezareta Derve ya Qeterê hîn bersiva daxwazên piştrastkirinê nedane.
Baregeha El Udeid mezintirîn baregeha DYA'yê li Rojhilata Navîn e ku nêzîkî 10 hezar leşker lê dimînin.
Par, hin xebatkar û malbatên wan hefteyek berî êrîşên Amerîkayê yên li ser Îranê ji baregehên li Rojhilata Navînê hatibûn veguhastin. Piştî êrîşên Îranê mûşek avêtibûn baregeha li Qeterê. Karbidestekî payebilind ê Îranî diyar kir ku wan welatên herêmî agahdar kiribû ku heke Washington destwerdanê bike, ew dikarin baregehên DYA'yê li herêmê hedef bigirin.
