Ajansa Nûçeyan a Farsê kuştina fermandarê Hêzên Deryayî yên Supaya Pasdaran a Îranê li Parêzgeha Xozistanê Mustefa Ezîzî, ragihand.
Li aliyekî din, artêşa Îsraîlê diyar kir ku hêzên wan ên hewayî roja Înê li parêzgeha Tehranê, fermandarekî payebilind ê baregeha petrolê ya Supaya Pasdaran û serokê karûbarên bazirganî yê baregehê Mihemed Riza Eşrefî Qehî kirin armanc û ew kuştin.
Artêşa Îsraîlê di daxuyaniya xwe de îdia kir ku baregeha petrolê ya Supaya Pasdaran a Îranê bi rêya dahatên ji firotina petrolê û xweragirtina ji cezayan, di fînansekirina çalakiyên leşkerî yên Supaya Pasdaran a Îranê û komên hevalbendên wê de rolekê dilîze.
Di daxuyaniyê de her wiha hat gotin, ku Eşrefî Qehî çalakiyên bazirganî yên baregehê bi rê ve dibir û kuştina wî piştî kuştina fermandarê baregeha petrolê ya hêzên çekdar Cemşîd Îshaqî pêk hat.
Di şerê dawiyê de, gelek berpirs û fermandarên payebilind ên dewleta Îranê di êrîşan de hatine kuştin.
