Agirbesta 2 hefteyan sibê bi dawî dibe.
Lê belê tûra duyem a di navbera Îran û DYA'yê de ku tê plankirin li Pakistanê bê lidarxistin, hîn jî di rewşeke nediyar de ye.
Rêveberiya Tehranê di asta heyî de tevlîbûna li hevdîtinan piştrast nekiriye.
Ev jî piştî ku Dewletên Yekbûyî yên Amerîkayê DYA'yê dest danî ser keştiyekê, pêvajo hîn bêhtir tevlîhev bû.
Trump: Derxistina uranyûmê wê demdirêj û zehmet be
Serokê DYA'yê Donald Trump li ser kapasîteya nukleerê ya Îranê daxuyanî da.
Trump ragihand ku jiholêrakirina stoka uranyûma dewlemendkirî ya welêt wê pêvajoyeke "demdirêj û zehmet" be.
Tehran: Hin kaxezên nû hene em ê bi kar bînin
Ji eniya Îranê jî peyamên hişk hatin dayîn.
Serokê Meclîsa Îranê Mihammed Bakir Qalîbaf diyar kir ku eger şer ji nû ve dest pê bike, welatê wî "Wê li qadê bi kertên nû bilîze."
Qalîbaf destnîşan kir ku Îran di bin gefê de wê muzakereyan neke û wiha got:
"Di nava du hefteyên dawî de amadekariyên leşkerî hatine zêdekirin."
Vê daxuyaniyê fikar zêde kirin ku eger agirbest bi dawî bibe, wê şer ji nû ve mezin bibe.
Îran dixwaze dorpêça aborî ya DYA'yê bê rakirin û kontrola xwe ya li ser tengavê jî weke xaleke girîng a bazariyê bi kar tîne.
Serokê DYA'yê ragihand ku dorpêça li ser bendergehên Îranê tenê bi peymanekê dikare bê rakirin.
