Rêveberiya Giştî ya Parastina Sivîl a hikûmeta Cezayirê ragihand ku duh roja înê, li Geliyê Muhemmediyê ya li navçeya Herraş a paytextê, otobîsek ji ser pirayê wergeriya û ket nav ava çem de.
Li gor amarên herî nû yên ji aliyê heman saziyê ve hatine belavkirin, 18 kesan jiyana xwe ji dest dane û 24 kesên din jî birîndar bûne.
Serokkomarê Cezayirê Ebdulmecîd Tebûn sersaxî ji malbatên qurbaniyan re xwest û roja şemiyê wek roja şîna giştî li tevahiya Cezayirê ragihand.
Piştî wê bûyerê jî, 4 qezayên din ên trafîkê li 4 navçeyên Cezayirê rû dan û di encamê de 4 kesan jiyana xwe ji dest dan û 6 kesên din jî birîndar bûn.