Şandeya Wezareta Xwendina Bilind a Hikûmeta Karbirêkera ya Başûrê Kurdistanê, li Bexdayê bi Wezareta Xwendina Bilind a Îraqê re civiya.
Yek ji mijarên sereke yên civînê, veqetandina fakulteyên navçeya Xaneqînê ji Zanîngeha Germiyanê bû.
Ji bo ku wekî zanîngeheke serbixwe bixebitin û girêdayî hikûmeta navendî ya Îraqê bin.
Hat diyarkirin ku piştî erêkirina fermanê ya Wezareta Xwendina Bilind û Başûrê Kurdistanê, dê gavên îdarî ji bo bicihkirina vê biryarê dest pê bikin.
Li hemberî vê gavê, biryar hat dayîn ku Wezareta Xwendina Bilind a Îraqê bi fermî û yasayî daxwaza naskirina Zanîngeha Germiyanê bipejirîne.
Fakûlteyên Xaneqînê berê li ser Zanîngeha Germiyanê bûn.
Ji ber ku hikûmeta Îraqê heta niha Zanîngeha Germiyanê bi fermî nedipejirand, xwendekarên ku ji van fakulteyan derdiçûn nedikarîn di saziyên dewletê de bên tayînkirin û ji fersendên kar sûd wergirin.
