Ev di nav 5 heftêyên borî de asta herî bilind a bihayê zêr e.
Lê doh dema ku bazarên darayî yên cîhanê girtî bûn, onseke zêr bi 4 hezar û 217 dolaran bû.
Li gorî civîna meha borî ya Banka Navendî ya Amerîkayê sedema sereke ya bilindbûna nirxê zêr kêmkirina rêjeya faîzê ye.
Daxuyaniyên berpirsên bankê yên hefteya borî jî wiha bû:
"Bazirgan bi rêjeya ji sedî 87 bawer dikin ku Banka Navendî ya Amerîkayê di civîna 10'ê vê mehê de wê faîza bankê bi rêjeya ji sedî 0,25 kêm bike."
Veberhêner bi hûrgilî çavdêriya daneyên sektora pîşesaziyê a li Amerîkayê dikin û tê payîn ku di dawiya vê hefteyê de wê ji siyaseta diravî ya Amerîkayê agahiyên zelaltir bi dest bixin.
