Li parêzgeha Enbarê ya Îraqê, endamên rêxistina DAÎŞ`ê bircek ji bircên veguhastina elektrîkê li ser rêya Beycî–Hadîse teqandin.
Li gorî agahiyên ewlehiyê, birc li herêma Ebû Delaye, li nêzîkî bajarê Hadîse bû û piştî teqandinê xeta sereke ya elektrîkê ya 400 kîlowat ku Beycî û Hadîse girêdide ji kar derket.
Di heman demê de, hêzên ewlehiyê hewldanek din a DAÎŞ`ê ji bo hedefgirtina bircek din a elektrîkê asteng kirin.
Piştî destwerdana hêzan, di navbera hêzên ewlehiyê û endamên DAÎŞ`ê şer derket.
Heta niha tu agahî der barê kuştî û birîndaran de nehatiye ragihandin.
© 2026 – NÛÇE TV Hemû maf parastî ne. Nûçe Rastî ye