Serokwezîrê Îraqê Elî Zeydî li New Yorkê di 81'emîn civîna Civata Giştî ya Netewên Yekbûyî (NY) de axivî.
Elî Zeydî behsa Îraqê û aramiya wê kir û wiha got:
"Îraq ji bo qonaxeke nû ya aramî û vejîna aborî dixebite.
Biryara şer, aştî û kontrolkirina çekan dê di destê dewletê de be.
Gavên me ji îradeya me ya netewî derdikevin.
Ji bo vegerandina serweriya hiqûqê û xurtkirina saziyên dewletê, divê çek di destê saziyên destûrî yên dewletê de bin.
Ez bang li welatan dikim ku rê nedin ku li herêmê tundrewî pêş bikeve."
Elî Zeydî : Em bang li Cîhanê dikin ku li Îraqê veberhênanê bikin
Her wiha Zeydî ev tişt jî got:
"Plana me ye ku em hilberîna petrola xav zêde bikin.
Em ê zeviyên gazê pêş bixin.
Her wiha Xetên hinardekirinê yên ku Îraq bi Tirkiyê, Ûrdin û Sûriyê ve girêdidin zêde bikin.
Em bang li cîhanê dikin ku li Îraqê veberhênanê bikin.
Ji ber ku welatê me xwedî çavkaniyên girîng û cihekî erdnîgarî ye, îro tên çewisandin."
Têkildarî doseya jîngehê jî Elî Zeydî wiha lê zêde kir:
"Îraqê bi pirsgirêkên guherîna avhewayê, çolbûn, kêmbûna avê û bandora wan li ser ewlehiya xwarinê re rû bi rû ye.
Em pabendî mafên xwe yên rewa yên avê ne û daxwaza birêvebirina hevbeş a çavkaniyên avê li gorî qanûnên navnetewî dikin."
Di dawiya axaftina xwe de, Serokwezîrê Îraqê Elî Zeydî got ku Îraq xwedî beşdarbûna di ewlehî û aramiyê de ye.
