Ajansa fermî ya Îranê "IRNA" eşkere kir ku dayîna destûra taybet ji bo keştiyên Îraqî, yek ji daxwazên herî sereke yên Bexdayê bû ku di danûstandinên bi Serokê Parlamena Îranê re hatibû nîqaşkirin.
Ji aliyê din ve, Serokwezîrê Îraqê Elî Ez-Zeydî di daxuyaniyekê de diyar kir ku welatê wî armanc dike ku di nav 6 salan de hilberîna neftê bigihîne 8 heta 10 milyon bermîlan di rojê de. Her wiha wî destnîşan kir ku komîteyeke wezaran şandine Erebistana Siûdî da ku li ser zêdekirina pişka Îraqê di nav rêxistina OPEC'ê de gotûbêjan bikin.
Zeydî anî ziman ku ji bo hinartina nefta Îraqê ji rêyên alternatîf ên wekî Baniyasa Sûriyeyê û Eqebeya Urdunê jî xebat berdewam dikin, daku Bexda ji bo hinartina nefta xwe tenê wekî xeteke stratejîk bi Tengava Hurmizê ve girêdayî nemîne.
