Cotkarên parêzgeha Hemayê wekî herêmên din ên Sûriyeyê di vê demê de dest bi berhevkirina zeytûnan dikin. Îsal berhema zeytûnê pir kêm e.
Tê gotin ku sedema kêm bûnê guhertina zêde ya rewşa hewa, hişkesaliyê û nexweşiyên çandiniyê ye.
Hejmara darên zeytûnan li Hemayê derdora 12 milyonan e. Ji wan 10 milyon nû gihaştine asta berhemdariyê. Li gorî texmînan îsal berhem dê bigihêje 51 hezar tonî. Sala derbasbûyî berhem 90 hezar ton bû.
Li herêma Hemayê derdora ji sedî 80’yê zeytûnan tê givaştin û ji bo zeytê tê bikaranîn.
Cotkar dibêjin mesrefa zêde dê bandorê li buhayê zeytê bike, ev jî barê cotkaran girantir dike.
