Wezareta Parastinê ya Mîrgehên Erebî yên Yekbûyî ragihand ku Îranê dîsa êrîşî axa wê kiriye.
Di heman demê de, wezaretê diyar kir ku pergalên parastina hewayî yên Mîrgehên Erebî yên Yekbûyî niha qada hewayî ji mûşek û dronên Îranê diparêze.
Wezaretê destnîşan kir ku dengên ku li deverên cuda yên welêt tên bihîstin, encama pergalên parastina hewayî ne ku bi mûşekên balîstîk û krûz û dronan re mijûl dibin.
Desteya Rêveberiya Awarte ya Neteweyî hişyarî da welatiyan ku li deverên biewle bimînin.
Mîrgehên Erebî yên Yekbûyî duh ragihandibû ku wan 15 mûşek û çar dronên Îranî têk birin.
Îran: Tehran plan nake ku êrîşî Mîrgehên Erebî bike
Li alIyekî din, medyaya fermî ya Îranê, li ser zimanê çavkaniyeke leşkerî ya payebilind a Îranê got ku Tehran plan nake êrîşî Mîrgehên Erebî bike û niha jî ti planeke wan a wiha tune ye.
Gelek rêyên Mîrgehên Erebî yên deryayî hene, yek ji wan jî bendera Fuceyrayê ye.
Girîngiya bendera Fuceyrayê çi ye?
Bendera Fuceyrayê ji ber ku li berava rojhilatê welêt, li ser Kendava Omanê ye, xwedî girîngiyeke stratejîk e.
Bendera Fuceyrayê yek ji çend benderên herêmê ye ku bêyî derbasbûna di Tengava Hurmizê re keştî dikarin bigihêjinê.
Her wiha hinardekirina petrolê dergeheke deryayî ya alternatîf e.
Mîrgehên Erebî yên Yekbûyî, berhemder û hinardekera petrolê ya cîhanî ya sereke ye, vê dawiyê vekişîna xwe ji kartelên sereke yên petrolê (OPEC) ragihand.
Hevpeymaniya OPEC+ berhemderên ji hundir û derveyî rêxistinê vedihewîne û OAPEC, çarçoveyek ji bo hevkariya di navbera welatên erebî de ye ku hinardekarên petrolê ne.
