Wênexêza ciwan, Ciwana Osê, a 20 salî li taxa Şêxmeqsûd a Helebê dijî.
Ew hestên xwe yên derbarê mijarên mirovî û neteweyî de, bi rengan tîne ser ziman.
Ciwana Osê, derbarê şehîd Cîhan Bîlgîn de axivî û got:
“Şehîd Cîhan ji bo min çîrokeke serkeftinê ye, lewma min ew weke mijara tabloya xwe hilbijart.
Ew bêdudilî tevlî berxwedana Bendava Tişrînê bû û bû sembola îradeya jinên azad.
Bi rêya vê tabloyê, min xwest kenên Cîhanê xêz bikim û min navê tabloyê kir ‘Kenê Serkeftinê'.”
Wênexêz Ciwana Osê, diyar kir ku tabloya herî nêzî ruhê wê, wêneya şehîd Cîhan Bîlgîn e.
Nûçegihan Cîhan Bîgîn, di 19`ê Kanûna 2024`an de, dema ku berxwedana bendava Tişrînê dişopand, di encama bombebarana dewleta Tirk a dagirker de, şehîd bûbû.
