Li gorî nûçegihana Ajansa Hawarê, civîna fermandariya Hêzên Sûriyeya Demokratîk QSD û nûnerên Rêveberiya Xweser bi rayedarên hikûmeta demkî ya Sûriyê re li Şamê dest pê kir.
Îro di çarçoveya berdewamiya civîn û diyaloga bi hikûmeta demkî ya Sûriyê re, şandeyeke siyasî û leşkerî ji herêmên Rêveberiya Xweser a Bakur û Rojhilatê Sûriyeyê gihîşt Şamê.
Di 10`ê adara vê salê de di navbera fermandarê Hêzên Sûriya Demokratîk û Serokê demikî yê Sûriyê de peymanek pêk hatibû, ji bo şopandina wê peymanê jî civînin fermî pêk tên.
