Ji bo helbestvan Ehmed Huseynî ku di 10'ê Adarê de li Swêdê ji ber penceşêrê jiyana xwe ji dest dabû, li Navenda Kongreyê ya Çanda Amedê merasîm hate lidarxistin.
Rêhevalên Ehmed Huseynî, nûnerên partiyên siyasî û rêxistinên civakî û gelek kes beşdarî merasîmê bûn.
Darbesta helbestvanê Kurd bi rengên kesk û sor û zer hate xemilandin, wêneyên wî hatin nîşandan û qurnefîl danîn ser darbesta wî.
Piştî merasîmê cenazeyê Ehmed Huseynî ji bo ku di ser Deriyê Sînor ê Xabûrê re bê derbaskirin, ber bi Rojava ve hate şandin.
Tê payîn ku Ehmed Huseynî sibe bi merasîmeke girseyî dê li cihê jidayîkbûna wî were veşartin.
