Hevserokên Giştî yên DEM Partiyê Tulay Hatîmogullari û Tuncer Bakirhan çûn serlêdana Hevserokê Giştî yê berê yê Partiya Demokratîk a Gelan (HDP) Selahattîn Demîrtaş ku li Girtîgeha Tîpa F ya Edîrneyê tê ragirtin.
Li gorî agahiyên ji medyaya nêzîkî DEM Partiyê, di serdanê de li ser pêvajoya Aştî û Civaka Demokratîk dê were nîqaş kirin.
Tê payîn ku di rojeva hevdîtina di navbera hevserokan û Demîrtaş de, du mijarên sereke hene.
Pêvajoya danîna çekan a PKK'ê û azadkirina siyasetmedarên ku li gel Demîrtaş di Doza Kobaniyê de hatine cezakirin.
Demîrtaş ev nêzî 9 sal in ku ji ber Doza Kobaniyê girtî ye û bi destpêkirina pêvajoya nû ya aştiyê re, çav li rê ye ku di demek nêz de were azadkirin.
