Derhênerê fîlmê û endamê rêveberiya Komîna Fîlman a Rojava Yilmaz Mihemed Elî diyar kir ku wan di 24’ê Îlonê de dest bi kişandina fîlmê kirine û heta 5’ê cotmehê bi dawî kirine.
Dîmenê belgefilmê li Reqa û Qamişloyê hatine kişandin, 6 kesên ku di dema şer de li Reqayê kar kirine, di belgefîlm de bûyerê tînin ziman û lîstikvaniyê jî dikin. Her wiha 6 endamên Komîna Fîlman a Rojava jî di pêvajoya kişandina fîlmê de kar kirine.
Senarîsta belgefîlmê Medya Xanim dibêje ew dê destpêkê belgefîlmê nîşanî xebatkarên Heyva Sor a Kurd bidin û ew belgefîlmê diyarî ajokaran dikin.
Niha belgefîlm tê montajkirin û dê di nava hefteyekê de bi dawî bibe.
