Balafirgeha Silêmaniyê dest bi seferên Ewropa û Îranê dike

 Rêveberê Balafirgeha Navneteweyî ya Silêmaniyê Rêbaz Mihemed ragihand ku di çarçoveya berfirehkirina seferên asmanî de wê seferên Ewropayê jî dest pê bikin.

Her wiha got ku wê sefera destpêkê bi balafirgeha Almanî `Condor Airlines'ê` re dest pê bike.

Rêbaz Mihemed eşkere kir ku ew bi balafirgeha Îranî "Mahan Airline" re di nava dan û standinan de ne, da ku seferên rasterast ên Kirmaşan û Bakurê Îranê bidin destpêkirin.

Têkildarî seferên ku li balefirgehê pêk tên jî Rêbaz Mihemed got ku Heftane nêzîkî 32 seferên wan yên çûn û hatinê hene.

Ew jî bi balefirgehên Turkish Airlines, Qatar Airways, FlyDubai, Iraqi Airways, Royal Jordanian, Mahan Air û AJetel re ne.