Li gorî lîsteya ku hatiye ragihandin, 151 kesan ji bo meclîsa partiyê û 37 kesan jî ji bo lîjneya bilind a disîplînê ser lêdan kirine.
Hilbijartin îro di saetên êvarî de diqede.
Di roja yekê ya kongreyê de bernameya partiyê, piştî 17 salan cara yekem hatibû guhertin.
Ozgur Ozel parastina biryara CHP'ê ya neçûyîna Îmraliyê kir
Ozgur Ozel duh di axaftina xwe de parastina biryara CHP'ê ya neçûyîna li Îmraliyê kiribû û ev tişt gotibûn:
"Em ê li meydanan û di komîsyonê de pêşniyarên xwe yên çareseriyê yên 29 xalî biparêzin"
Ozel di axaftina xwe ya spasdariyê de jî diyar kir ku ev kongreya wan a dawî ya di mûxalefetê de ye.
