Roja Pêncşemê rayedarên Azerbaycanê ragihandin ku du dronan sînorên wan derbas kirine û li binesaziya wan ya sivîl xistine.
Ev bûyer bû sedem ku Bakû gefên tedbîrên tolhildanê bixwe.
Serokê Azerbaycanê Îlham Aliyev ji Konseya Ewlekariyê re got ku welatê wî êrîş wekî kiryareke bêmaf a terorîzm û êrîşkariyê bi nav kir.
Îlham Aliyev da zanîn ku wî talîmat daye hêzên çekdar da ku tedbîrên tolhildanê yên guncaw bigirin û ji Tahranê xwest ku lêborînê bixwaze.
Her wiha Azerbeycanê weke helwest telîmat da dîplomatên xwe da ku ji Îranê derkevin.
Azerbaycanê qada hewayî ya başûr heya 12 demjimêran girt
Rayedaran got ku ew lêkolîn li ser cureyên dronên ku hatine bikar anîn dikin.
Azerbaycanê piştî êrîşê, ragihand ku qada hewayî ya başûr heya 12 demjimêran digirin.
Di heman demê de deriyên sînor ên bi Îranê re ji bo kamyonên barhilgir girtine.
Azerbaycanê yek ji rêyên bejahî yên herî kurt ên ku Îranê bi hevalbenda wê Rûsyayê ve girê dide qut kiriye.
Ji destpêka êrîşên hewayî yên Amerîkî-Îsraîlê yên li ser Îranê zêdetirî hezar û 100 kes ji Îranê bi rêya deriyê sînor ê Astara li ser Deryaya Xezarê derbasî Azerbaycanê bûne.
Wezîrê Derve yê Azerbaycanê Jeyhun Bayramov di pêwendiyeke telefonê de bi hevtayê xwe yê Îranî Abbas Araqçî re danî, bûyer şermezar kir û wekî binpêkirina qanûna navneteweyî bi nav kir.
Araqcî: Êrîşa Azerbaycanê ji aliyê îsraîlê ve hatiye kirin
Di bersivê de, Wezareta Derve ya Îranê Araqçî beşdariya Îranê di êrîşê de red kir, lêpirsînek li ser rewşê ragihand û Îsraîl tawanbar kir ku dixwaze bi rêya bûyerên wiha têkiliyên di navbera Îran û cîranên wê de xera bike.
Azerbaycan hilberînerkare mezin a petrol û gazê ye ku piraniya enerjiya xwe bi rêya boriya Baku-Tiblîsî-Ceyhanê dişîne Tirkiye û Ewropayê.
Ev yek fikaran çêdike ku her gefek li ser vê binesaziyê dikare zextek zêdetir li ser bazarên enerjiyê yên cîhanî bike.
Herêma Naxçîvan ji aliyê erdnîgarî ve ji deverên din ên Azerbaycanê cuda ye û ji aliyê Ermenistanê ve jî hatiye veqetandin.
Herêma Naxçîvan nêzîkî 6 ji sedî ji axa Azerbaycanê pêk tîne û her weha bi sînorê Tirkiye û Îranê re rastî hev tê.
Îranê bi salan diyar kiriye ku ew ji meylên cudaxwaziyê di nav kêmneteweya mezin a Azerbaycanî de ditirse.
Di heman demê de ev faktora ku aloziyê di navbera her du welatan de metirsîyê zêdetir dike.
Du dron li herêma Naxçîvanê êrîş pêkanî bûn
Roja pençşemê di êrîşên dronî de du herêmên girêdayî Naxçîvan Azerbeycanê hatibûn hedef girtin.
Dronek li termînala rêwiyan a Balafirgeha Navneteweyî ya Nexçivanê ku bi qasî 10 kîlometreyan dûrî sînorê Îranê ye, ketiye.
Dronê din jî li nêzî dibistanek li gundê Şakarabadê ketiye.
Ji ber van êrîşan aloziya di navbera Îran û Azerbaycanê de berdewam dike.
