Artêşa Îsraîlê daxuyand ku hêzên wan di demên şevê de li herêma ewlehiyê ya li başûrê Libnanê rûbirûyî êrîşeke dronaî bûne. Li gorî daxuyaniya artêşê, di vê êrîşê de tu windahiyên canî an birîndarî çênebûne.
i gorî daxuyaniyê, wekî bertek û bersivdanekê, balafirên şer û yekeyên artêşa Îsraîlê çend xal û armancên ser bi tevgera Hîzbullahê ve li deverên cuda yên başûrê Libnanê bi giranî bombebaran kirin. Di daxuyaniyê de hate destnîşankirin ku di nav cihên hatine lêdan de, bingehên ku Hîzbullah ji wê derê dron û moşekên antî-tank ber bi leşkerên Îsraîlê ve davêje, tevî jêrxaneyên din ên leşkerî hene.
Artêşa Îsraîlê her wiha bal kişand ser peymana agirbestê an lihevkirina di navbera Îsraîl û Libnanê de û diyar kir ku ew pabendî vê lihevkirinê ne. Lê belê, wan hişyarî da ku ji bo ji holê rakirina gefên bilez û parastina serbaz û sivîlên xwe, ew ê operasyonên xwe berdewam bikin û her hewldaneke êrîşê ya ji axa Libnanê ve wê bi bersiveke tund û biryardar re rûbirû bibe.
