Di merasîma vekirinê de, Cîgirê Wezîrê Derve yê Amerîkayê yê ji bo Karûbarên Rêveberî û Çavkaniyan Michael Rigas amade bû.
Serokwezîrê Herêma Başûrê Kurdistanê Nêçîrvan Barzanî diyar kir ku vekirina konsulxaneya Amerîkayê li Hewlêrê, girîngiya ku Amerîkayê dide Iraq û Başûrê Kurdistanê, nîşan dide.
Nêçîrvan Barzanî da xuyakirin ku pêwendiyên wan bi Amerîkayê re, li ser bawerî, nirx û xebata hevbeş ava bûne.
Barzanî da zanîn ku ew dixwazin Kurdistan bibe pirek ji bo dan û standinê, ne qadeke pevçûnê.
Raydaran anîn ziman ku bi armanca baştirkirina xizmetên konsulxaneyê, hêsankirina danûstandinên welatiyan, pêşxistina hevkariya dîplomatîk û ewlehiyê di navbera her du welatan de, ev Konsulxane ava kirine.
