Amedsporê qonaxa yekem a kampa xwe ya perwerdeyê li Erzurumê, wekî beşek ji amadekariyên xwe ji bo sezona 2026-2027, temam kir.
klûbê di daxuyaniyekê de, diyar kir ku bernameya kampê ya ku di 1’ê Tîrmehê de dest pê kiribû, bi dawî bûye û ji lîstikvanan re sê roj bêhnvedan hatiye dayîn.
Dê qonaxa duyem li Burdurê destpê bike
Li gorî daxuyaniyê, tîma kesk-sor dê qonaxa duyem a kampa xwe ya perwerdehiyê ya pêş sezonê di 20’ê Tîrmehê de li Lavender Hill li Burdurê dest pê bike.
Kampa tîmê ya Burdurê dê heta 6'ê Tebaxê berdewam bike.
Di vê heyamê de, tê payîn ku karmendên teknîkî planên sezona nû ya tîmê, digel lîstina maçên dostane, şekil bidin.
Amedspor wê maçên xwe yê dostane bi tima Zaxo û Duhokê re li Burdurê bilîze.
Maçên dostane yên Amedsporê yên li dijî Duhokê di 30’ê Tîrmehê û Zaxoyê di 31’ê Tîrmehê de jî dê li Burdurê werin lîstin.
Amedsporê herî dawî maçên xwe yê sezona îsal yê dostane bi tîma Dinamo Batumi re lîstibû.