Donald Trump pesnê Lionel Messi û Cristiano Ronaldo da

Serokê Dewletên Yekbûyî yên Amerîkayê Donald Trump di resepsiyonekê de di derbarê kûpaya Cihanê de axivî.

Trump behsa Messi kir û kêliyek ku çarenûsa maçê diyar kir bi bîr xist û got

 Stêrkê Arjantînî di tevahiya lîstikê de bi baldarî hate nîşankirin, lê ji nişkê ve xwe li milê rastê dît û maç da qezençkirin.

 Her wiha Trump pesnê Cristiano Ronaldo yê Portekîzî da û got, Min bi Ronaldo re hevdîtin kir, ew mirovekî pir baş e.

 Serokê FIFA'yê Infantino spasiya Donald Trump kir

 Serokê FIFA yê Gianni Infantino, di axaftina xwe ya di merasîmê de diyar kir ku Kûpaya Cîhanê ya 2026’an ji hemû bendewariyan derbas bû û got.

 Xewna Amerîkî pêk hat; me cîhan li Amerîkayê yek kir, û Amerîka cîhan mazûvan kir.

 Infantino FIFA weke, dabînkerê fermî yê bextewariyê ji bo mirovahiyê bi nav kir.

 Piştî vê yekê Trump bi henekî navber da û got, Pêdivî bi kesî nîne ku pesnê te bide, lê ev turnuva bêyî te ewqas serkeftinek berbiçav nebûya.

 Infantino bi gotina "Kûpaya Cîhanê ya 2026’an mezintirîn bûyera civakî û çandî ye ku mirovahiyê dîtiye dawî li axaftina xwe anî û got, "Spas ji bo vê yekê, Birêz Serok Trump.

Nêzîkî 6 milyar temaşevan dê li Kûpaya Cîhanê temaşe bikin

 Trump bi jesteke şexsî eşkere kir ku kurê wî yê dirêj Barron ji futbolê hez dike û got, 

Kurê min ê pir dirêj Barron ji futbolê hez dike û lîstikvanekî baş e.

 Trump herî dawî anî ziman û got.

Heta fînala dawî ya roja Yekşemê, nêzîkî 6 milyar temaşevan dê Kûpaya Cîhanê temaşe bikin.

Ev hejmareke ji rekordên berê pir zêdetire.