Bi tevkariya Buroya Enformasyonê ya Kurdistanê ya li Îtalyayê (UIKI) û Komeleya Verso il Kurdistan konferans hate lidarxistin.
Konferans li salona konferansê ya li Corso Inghilterra ya Rêveberiya Torino Metropolitan pêk tê.
Siyasetmedarên Kurd, parlamenterên Îtalî, rêveberên herêmî, akademîsyen û nûnerên tevgera jinê tevlî konferansê bûn.
Di konferansê de çareseriya demokratîk a pirsgirêka Kurd û li Rojhilata Navîn derfetên aştiyê tê nîqaşkirin.
Serokê Meclîsa Herêmî ya Piemonte Davide Nicco, Alîkara Şaredartiya Torino Michela Favaro, Hevşaredara Bajarê Mezin a Amedê Ayşe Serra Bucak Kuçuk, Serokê Komeleya Verso il Kurdistan Antonio Olivieri û Dîrektorê UIKI Yilmaz Orkanda tevlî konferansê bûn.
Di beşa yekem a konferansa xwedî sê rûniştin de wê modela alternatîf a ji bo Rojhilata Navîn yanî konfederalîzma demokratîk, geşedanên li Rojava û têkoşîna li Îran û Şengalê were nirxandin.
Di rûniştinên piştî nîvro de jî wê Pêvajoya Aştî û Civaka Demokratîk a li Tirkiyê, azadiya Ocelan, piştevaniya navneteweyî û têkoşîna azadiya jinê were nîqaşkirin.
Konferans wê heta şevê dewam bike.
Konferansa Konfederalîzma Demokratîk dest pê kir
Li bajarê Torino yê Îtalyayê konferansa bi sernavê “Li Kurdistanê Konfederalîzma Demokratîk: Li Rojhilata Navîn Ji Bo Aştiyê Perspektîfek” dest pê kir.
