Hefteya 27'emîn a La Liga bi mazûvaniya taximê Celta Vigo li stadyuma De Balaidos li beramberî Real Madrid re dest pê kir.
Di kêliyên dawîyê de, Real Madrid li hember Celta Vigo serkeftineke hêja û dijwar bi encama 2-1 bi dest xist.
Kelecana maçê di nîvê yekem de bi wekheviya 1-1 bi dawî bû
Maçê bi kelecaneke xurt dest pê kir û di nîvê yekem de, her du taximan gelek derfetên golan ji dest dan.
Lîstikvanê Fransî Aurelien Tchouameni di deqeya 11'an de gol anî û Real Madred xist pêş.
Celta Vigo hewl da ku golan bîne û bi encama van hewldanan di deqeya 25'an de gola wekheviyê bi rêya Borja Iglesias anî.
Nîvê yekem bi wekheviya 1-1 bi dawî bû.
Di nîvê duyem de Real Madrid û Celta Vigo dixwestin gola serkefinê bînin, da ku 3 xalên dirîng bi dest bixin.
Maç ber bi dawiyê ve diçû, lê lîstikvanê Uruguayanî Federico Valverde topek li ber xeta 16'an wergirt û bi xurtbûn avêt golê, top li lîstikvanê Celta Vigo ket û derbasî golê bû.
Real Madrid hejmara xalên xwe gihand 63 xalan di rêza duyem de û 3 xalên girîng li hember Celta Vigo bi dest xistin da ku bêhtir nêzîkî Barcelona yê ku di rêza yekem de, bibe.
Di 11’ê vê mehê de wê Real Madrid û Manchester City bi hev re bilîzin
Hêjayî bîrxistinê ye ku Real Madrid, amadekariyê ji maça li hember Manchester City di tûra 16'emîn a Lîga Şampiyonan de dike.
Maç wê di 11 vê mehê de were lîstin.
