Armand Dupplantis di pêşbirka bazdana ser polê de ya ku li bajarê Mundo Classic de ku li Uppsala, Swêdê hate lidarxistin, xwe li ser bilindahiyek bi qasî 6.31 metreyan avêt.
Li hola Federasyona Navneteweyî ya Polê Vaultingê ya li Uppsala, bi serkeftî ev bilindahî derbas kir.
Piştî ku di hewildanên xwe yên yekem de 5.65m, 5.90m û dûv re 6.08m derbas kir Dupplantis xwest ku pol 23 cm were bilind kirin da ku bigihîje bilindahiya rekordek cîhanê û piştre ew bilndahî jî bi serkeftî derbaskir.
Ev cara duyemîn bû ku Duplantis rekorê cîhanê li Swêdê dişikîne. Di Hezîrana borî de li Stockholmê 6.28 m derbas kiribû ku ev yek ji çar bazdanên wî yê rekordê cîhanê ya di 2025'an de bû.
Armand Dupplantis kêfxweşiya xwe bi vî şiklî anî ziman: "Ez pir serbilind im ku min karibû vê yekê li ber we bikim.
"Ez ji bo xwe, malbata xwe û her kesê ku piştgiriyê dide min baz didim"
Ez ji bo xwe, ji bo malbata xwe bazdidim, lê ez ji bo we, ji bo Swêdê û ji bo her kesê ku piştgiriyê dide min jî bazdidim."
Duplantis her cara ku rekord şikandiye de herî kêm yek santîmetre rekora cîhanê zêde kiriye.
Berî bazdana Duplantis, rekora cîhanê ji hêla Renaud Lavillenie yê Fransî ve hatibû girtin ku di sala 2014'an de bi 6.16 metreyan bû.
Duplantis di Sibata 2020'an de di Kûpaya Orlen Copernicus de a li bajarê Torunê hat lidarxistin bi derbasbûna 6.17 metreyan yekemîn rekorê cîhanê şikandibû.
Duplantis niha yek ji werzîşvanên pêşeng ên cîhanê di bazdana bi stûnê de ye.
Ku du madalyayên zêrîn ên Olîmpiyadê û sê sernavên Şampiyoniya Cîhanê (hem li derve û hem jî li hundir) qezenc kiriye.
