Piştî ku duh bi navbeynkariya serokwezîrê Malezyayê, agirbesteke bêmerc di navbera Tayland û Kamboçyayê de hatibû ragihandin, îro Artêşa Taylandê daxuyaniyeke nivîskî belav kir û tê de got ku li çend xalên sînorî, hêzên Kamboçya êrîş kirine, li hember jî hêzên Taylandê bersiv dan û şer çend demjimêran dirêj kir.
Di encama şerê 5 rojan ê di navbera her du welatan de, 36 kes hatibûn kuştin û nêzî 300 hezar kes jî koçber bibûn, lê Amerîka, Çîn û çend welatên din navbeynkarî kirin, herî dawiyê jî, duh li Malezya serokwezîrên Tayland û Kamboçya bi serpereştiya serokwezîrê Malezya bi hev re civiyabûn û li ser agirbestê lihev kiribûn.