Maç a herî dawiyê ya kupaya Iraqê, duh li stadyuma Gel a Bexdayê birêve çû, tê de her du tîmên Zaxo û Dihok rû bi rûyê hev bûn.
Dema maçê 0-0 qediya, pişt re Dihok bi lêdana penaltiya 5-3 li hember Zaxoyê bi ser ket û bû şampiyon.
Di dîroka Komara Iraqê de, ev yekem car e, tîmeke Kurdî dibe şampiyon û kûpaya yaneyên futbolê yên Iraqê tîne Kurdistanê.
Bi vê serkeftinê re, nexşeya sporê li Iraqê tê guhertin û Dihok dibe navenda pêşketina futbolê li seranserê Iraqê.
Şêniyên ji Dihok, Hewlêr, Silêmanî, Kerkûk û Helebceyê berê xwe dabûn Bexdayê ji bo piştgiriya her du tîmên Zaxo û Dihokê.
