Ji bo 37’emîn Mehrîcana Govendên Kurdistanê ji Almanya, Fransa û Swîsreyê bi giştî 35 komên dîlanê hatin Wuppertalê.
Endamên Jurî, mamosteyên dîlanên gelêrî û xwendekar vê sibehê saet di 09.00’an de li Gara Trenê ya Sereke ya Wuppertalê hatin gel hev.
Koma Mehrîcanê ya ku ji nêzî 400 kesî pêk tê, bi cil û bergên xwe yên Kurdî bal kişandin.
Kesên ku kom bûne, bi dahol û zirneyan govend gerandin.
Piştre ber bi navenda bajarê Wuppertalê ve meşek li dar xistin.
Piştî meşê koma Mehrîcanê hate Wuppertal Uni Halle û hûnerên xwe pêşkêş kirin.
