Parêzgarê Hesekê Nûreddîn Ehmed di postekê de li ser platforma X’ê nivîsand û wiha bang kir ku xwepêşandan bi aştiyane pêk werin, bêyî ku ziyanê li milkan bikin û da zanîn ku mafê derbirîna ramanan mafekî rewa ye.
Daxuyaniya Ehmed wiha ye:
"Em bi hesteke berpirsyariyê û bi xema ewlehî û aramiya we û ewlehiya welatê me, bangî we dikin.
Mafê we yê derbirîna ramanê û xwestina mafên xwe, mafekî rewa ye ku em bi rêz û girîngiyeke mezin guh didinê.
Lê belê ji bo ku dengê we bi hêz û bandor bimîne, divê em hemû xwedî li çalakiyên aştiyane derkevin û wan biparêzin.
Xerabkirina mal û milkên giştî yan taybet û ketina nava pevçûnan, ti carî xizmeta doza we nake, berevajî wê, zirarê dide ewlehiya civaka me û armancên we yên rewa paşguh dike.
Ji ber vê yekê, em bangî hemû gelê xwe, bi taybet ciwanên xwe dikin ku bi aqilmendî û bi berpirsiyariyeke mezin tev bigerin. Hêzên ewlehiyê yên li qadan, zarok û birayên we ne û erka wan a sereke parastina we û saziyên gelê me ye.
Divê em hemû bi hişmendî û bi berpirsyarî tev bigerin, da ku em rê nedin tu aliyekî ku bixwaze hestên we bi kar bîne û herêma me bixe nava tevliheviyê. "
