Kolbernewsê têkildarî binpêkirinên hêzên dewleta Îranê yên li hemberî kolberan raporek weşand.
Di raporê de hat diyarkirin ku di nava şeş mehên borî de, herî kêm 20 kolber û karkerên Kurd li navçeyên sînorî yên Rojhilatê Kurdistanê bûne qurbanî.
Hat gotin ku 18 bûyer ji wan ji ber êrîşa rasterast a hêzên leşkerî yên dewleta Îranê çêbûne.
Di encamê de 13 kolber hatine kuştin û 5 kolber jî bi giranî birîndar bûne.
Her wiha herî kêm du kolberên din jî piştî ku li navçeya Şemzînanê ji aliyê hêzên ewlehiyê yên Tirkiyê ve hatine desteserkirin, rastî êşkenceya fîzîkî û destdirêjiyê hatine.
Li gorî raporê, di nava qurbaniyan de 2 ciwanên 18 salî hene.
