Yewnanistan dijî gefên Tirkiyê-Îranê peymanek leşkerî bi Îsraîlê re îmze dike

Wê Yewnanistan û Îsraîl di dîroka xwe de peymana herî mezin a leşkerî îmze bikin.
Ev peyman ku wekî “Mertalê Axîles” (Achilles Shield) tê naskirin, ji bo dabînkirina pergalên pêşkeftî yên parastina hewayî ye.
Tê çaverêkirin ku Yewnanistan roja sibe (Duşem) li Tel Evîvê peymaneke parastinê ya bi bihayê 3.6 milyar dolar li gel Îsraîlê îmze bike.
Ev peymana girîng wê pergaleke parastina hewayî bide Atînayê daku li dijî gefên muhtemel ên ji aliyê Tirkiye û Îranê ve were bikaranîn.
Hûrgiliyên peymana leşkerî wiha ne:
Mertalê Axîles: Ev peyman di bin navê “Mertalê Axîles” de tê meşandin û wekî “peymana herî mezin a hinardekirina leşkerî di dîroka Îsraîlê de” tê hesibandin.
Armanca peymanê: Hat diyarkirin ku Yewnanistan wê van pergalên parastinê yên Îsraîlê li dijî “gefên muhtemel ên ji aliyê Tirkiyê û Îranê ve” bi kar bîne.
Şêwaza îmzekirinê: Ev lihevkirina ku nirxê wê 3.6 milyar dolar e, ji aliyê şandeke Yewnanistanê û Wezareta Parastinê ya Îsraîlê ve bi fermî tê îmzekirin da ku sîstema parastina hewayî radestî Atînayê were kirin.