Xwepêşandanên ku di 28'ê Kanûna 2025'an de dest pê kirin û li 31 bajar, 186 navçe û 585 bajarokên Îran û Rojhilatê Kurdistanê belav bûne, di roja 17'emîn de berdewam dikin. Tevî tundiya dewleta Îranê ya li dijî xwepêşanderan jî, gel kolanan terk nakin.
Li gorî daneyên ku ji aliyê Rêxistina Mafên Mirovan HRANA'yê ve hatine parvekirin, di 17 rojên xwepêşandanan de 505 xwepêşander hatine qetilkirin ku 9 ji wan di bin 18 saliyê re ne û 10 hezar û 721 kes jî hatine binçavkirin.
Ji kesên hatine binçavkirin, 167 zarok û 48 xwendekarên zanîngehê ne.
