Ev çar meh in Hikûmeta Veguhêz a Sûriyê, gelek şervanên QSD`ê dîl girtine û heta niha gelek ji wan bernedane.
Ji bo serbestberdana wan li Rojavayê Kurdistanê rojane çalakî tên lidarxstin.
Bi vê armancê bi dehan şêniyên bajar û gundewarên Dêrikê bi daxwaza serbestberdana dîlgirtyan, li Qada Azadiyê çalakiyek li dar xistin.
Di çalakiyê de endamê Nivîsgeha Partiya Yekîtiya Demokratîk (PYD) yê Dêrikê Hisên Remedan axivî.
Hisên Remedan tekezî li ser berdana hemû dîlgirtiyên kir.
Hisên Remedan anî ziman ku dê têkoşînê bidomînin, ta hemû dîlgirtî werin berdan.
Li Girkê Legê daxwaza serbestberdana dîlgirtiyan hat kirin
Li wir jî, bi heman armancê xelk li Qada Şehîd Xebat hatin gel hev û çalakiyek li dar xistin.
Malbatên dîlgirtiyan bang li Hikûmeta Veguhêz a Sûriyê kirin, ku demildest dîlgirtiyan berdin.
Her wiha dan zanîn ku berdewambûna girtinê fikar û êşên wan zêde kirine.
