Xelatên 98'emîn ên Oscarê hatin dayîn.
Fîlma di şevê de herî zêde behsa wê hatiye kirin, "One Battle After Another", ku ji hêla Paul Thomas Anderson ve derhênertiya wê hatiye kirin, 'Xelata Fîlmê Herî Baş' jî di nav de şeş xelat wergirt.
Komedyen û lîstikvan Conan O'Brien pêşkeşvaniya merasîma ku li Şanoya Dolby ya li Los Angeles a Amerîkayê hate lidarxistin kir.
Festîvala îsal di navbera "Sinners" de ku 16 caran namzed bû û "One Battle After Another" ku 14 caran namzed bû, pêşbaziyek dijwar dît.
Serkeftina 'One Battle After Another'
Fîlma "One Battle After Another" a ku Paul Thomas Anderson pêşengtiya wê dike şeş Xelatên Akademiyê wergirt û di nav wan de "Fîlmê Herî Baş" û "Derhênerê Herî Baş" jî heye.
Fîlm her wiha xelatên Senaryoya Herî Baş a Adaptekirî, Fîctîon a (çêkirî) Herî Baş, Lîstikvanê alîkar ê Herî Baş (Sean Penn) û xelata Castîng (dariştin) ku îsal cara yekem tê dayîn jî wergirt.
Sean Penn ku xelata Lîstikvanê alîkar ê Herî Baş wergirt, beşdarî merasîmê nebû. Kieran Culkin dema xelat pêşkêş dikir li ser dikê got: "Sean Penn îşev nikaribû li vir be, an jî nexwest."
'Sinners' jî 5 xelat wergirtin
"Sinners"yek ji fîlmên herî berbiçav ên şevê bû.
Bi 16 xelatan de berendam bû û 5 xelatên Oscarê wergirt.
Fîlm xelatên Senaryoya Xweser a Herî Baş, Muzîka Orîjînal a Herî Baş û Sinematografiya Herî Baş wergirt.
Lîstikvanê sereke yê fîlmê Michael B. Jordan, ji bo performansa xwe xelata Lîstikvanê Herî Baş jî wergirt.
Jessie Buckley ji bo rola xwe ya di fîlma "Hamnet" de xelata Lîstikvana Herî Baş a Jinan wergirt.
"Frankenstein" di kategoriyên teknîkî yên wekî Baştirîn Sêwirana Hilberînê, Baştirîn Sêwirana Kostuman û Baştirîn Makyaj û Şêwazkirina Porê de xelat wergirt.
Anîmasyona bi temaya K-popê, "KPop Demon Hunters" xelata Fîlmê Anîmasyonî yê Herî Baş wergirt, di heman demê de strana "Golden" a ji fîlmê wekî Strana Orîjînal a Herî Baş hat hilbijartin.
Ev di dîroka Oscarê de cara yekem bû ku stranek "K-popê" ev xelat werdigre.
Peyamên dijî şer a şeva Oscarê
Pêşkêşvan Conan O'Brien, di axaftina xwe ya vekirinê de, behsa zekaya çêkirî kir û got: "Dibe ku ez pêşkeşvanê mirov yê dawîn bim." O'Brien her wiha behsa belgeyên Jeffrey Epstein û binçavkirinên navdar ên li Îngîlîstanê kir.
Jimmy Kimmel, ku bernameya wî piştî rexneyên Serokê Amerîkayê Donald Trump bi awayekî demkî ji weşanê hate rakirin, dema ku xelata Belgefîlma Kurte ya Herî Baş pêşkêş dikir wiha got: "Rêberên hin welatan piştgiriya azadiya ramanê nakin.
Ez ne xwediyê azadiya gotinê me ku bêjim kîjane. Bila em tenê bibêjin Koreya Bakur û kanala CBS."
Di merasîmê de her wiha bangên ji bo agirbestê li Filistînê û peyamên dijî şer hatin kirin. Tîma "The Voice of Hind Rajab" ku çîroka Hind Rajab, zaroka Filistînî ya ku li Xezeyê ji aliyê Îsraîlê ve hatiye kuştin vedibêje, bi nîşanên "agirbesta daîmî" beşdarî merasîmê bûn.
Lîstikvan Javier Bardem, di gotarekê de beriya merasîmê, nîşana dijî şer a ku wî di dema Şerê Îraqê de li xwe kiribû bi bîr xist û got:
"Piştî bîst salan, em careke din di şerekî wisa de ne."
