Rêxistina Tenduristiyê ya Cîhanî "WHO" eşkere kir ku îsal li seranserê cîhanê, ji nav wan 400 hezar kesên bi kolerayê ketine, 4 hezar 738 kesan jiyana xwe ji dest da.
Rêxistinê destnîşan kir ku rêjeya mirinê li 6 welatan ji %1 derbas kiriye.
Li gor "WHO" şer û pevçûn, koçberiya girseyî, karesatên xwezayî û guherîna avûhewayê, dibin sedema belvabûna bilez a kolerayê.
Sûdan, sêyemîn welatê herî mezin ê Afrîkayê ye, wekî welatê herî zêde ji nexweşiya kolerayê bandor bûye li cîhanê tê destnîşankirin û li gorî UNICEF di nava salekê de li Sûdanê 2400 kesan ji ber kolerayê jiyana xwe ji dest daye.