Rageşiyên li Deryaya Reş ên di navbera Rûsya û Ûkraynayê de berdewam dikin.
Fermandarê hêza dronan a Ûkraynayê Robert Provdy diyar kir ku dronan li Deryaya Reş li 12 keştiyên din ên Rûsyayê xistin, di demekê de ku Kîev êrîşên xwe yên deryayî yên li dijî Moskovayê zêde dike.
Robert Provdy bi postekê li ser Telegramê da zanîn ku êrîşan 9 keştiyên barhilgir ên hişk, tankerek, xazê û keştiyeke kişandinê armanc kirin.
Provdy da zanîn ku bi van êrîşan hejmara giştî ya li ser keştiyan ku vê mehê li Deryaya Azov û Deryaya Reş pêk hatin, gihîşt 159 êrîşan.
Rûsya êrîşê xwe li ser Ûkraynayê berdewam dike
Ji aliyekî din ve, Wezareta Parastinê ya Rûsyayê diyar kir ku êrîşê xwe li ser armanckirina binesaziyê û benderên bajarê Odessa û Çornomorsk ên Deryaya Reş berdewam dike.
Wezaretê ragihand ku ev bender ji hêla hêzên Kîevê ve ji bo wergirtina barkêşên çekan ên Rojavayî û avêtina qeyikên bêmirov tên bikaranîn.
Her wiha Wezaretê di daxuyaniyekê de destnîşan kir ku kargehên hilberandin û komkirina dronan li benderan û keştiyeke agirkujiyê li bendera Chornomorsk bûne armanc.
Di daxuyaniyê de hat gotin ku êrîş li dijî depoyên sotemeniyê, tesîsên enerjiyê û cihên lojîstîkê jî hatiye pêkanîn.
