Nakokiya di navbera Dewletên Yekbûyî yên Amerîkayê û Îranê didome.
Duh serokyê DYA ragihandin ku dan û stendin di navbera wan û Îranê de heye, lê îro daxuyaniyek bi nakok carek din dide.
Serokê Amerîkayê Donald Trump li ser Tora Civakî peyamek belavkir û got:
"Ti dan û standin an gotûbêj bi Komara Îslamî re nehatiye kirin.
Tengava Hurmizê jî vekirî û çalake û hemî mayînên deryayî hatine berhevkirin an teqandin."
Li gorî Fox News Donald Trump li ofîsa Oval a Qesra Spî ji rojnamevanan re got ku ew ji ramana ragihandina Tengava Hurmizê wekî beşek ji xaka xwe hez dike.
Trump: Îran di rewşek pir xirab de ye
Trump anî ziman ku ew bi mîlyonan bermîl petrol ji Tengava Hurmizê derdixin dema ku bendergehên Îranê di bin dorpêçê de ne û got:
"Îran di rewşek pir xirab de ye. Enflasyona wan ji sedî 300 e.
Welat di nav tevliheviyê de ye û artêşa Îranê bi tevahî têk çûye."
Serokê Amerîkayê wêneyek ku nexşeyek Tengava Hurmizê û beşên Îran, Kendava Faris û Deryaya Omanê nîşan dide belavkir.
Li jorê wêneyê hevoka "Xaka Nû ya Amerîkayê" heye û herêma Tengava Hurmizê hatiye nîşankirin.
Li binê wêneyê hevoka "Tengava Hormuzê" bi tîpên qalind heye.
Xerîbabadî: Di demek nêzîk de, xeyala Trump dê were rastkirin
Li ser vê wêneyê Cîgirê Wezîrê Karûbarên Hiqûqî û Karûbarên Navneteweyî yê Komara Îslamî ya Îranê Xerîbabadî bertek nîşanî Trump da.
Xerîbabadî ev tişt anî ziman:
"Di demek nêzîk de, xeyala Trump a li ser Tengava Hormuzê dê were rastkirin an jî em ê xeyalên wî rast bikin."
